سخنگوی والی «تخار»: طالبان یکی از مناطق هم‌مرز با تاجیکستان را تصرف کرد

سخنگوی والی «تخار» افغانستان از تصرف یکی از مناطق هم‌مرز این کشور با تاجیکستان توسط شبه نظامیان طالبان خبر داد.

شبه نظامیان طالبان امروز یک منطقه هم‌مرز با تاجیکستان را تصرف کردند.

«سنت الله تیمور» سخنگوی والی «تخار» گفت: طالبان صبح امروز منطقه «درقد» را تصرف کردند و در حال حاضر درگیری‌های شدید در ناحیه «خواجه غار» افغانستان ادامه دارد.

وی افزود: منطقه درقد که از سوی طالبان تصرف شده با ناحیه «فرخار» ولایت ختلان تاجیکستان هم مرز است و طولانی ترین مرز با تاجیکستان را دارد.

به گفته سخنگوی والی تخار، در درگیری نیروهای دولتی افغانستان با طالبان ۵ نفر کشته و ۳ نفر دیگر زخمی شدند.

وی افزود: پس از آنکه نیروهای دولتی افغانستان شبه نظامیان طالبان را از منطقه «دشت ارچی» ولایت قندور هم‌مرز با تاجیکستان مجبور به عقب نشینی کردند، آنها به سمت ولایت تخار فرار کرده، مسیر فعالیت خود را به مناطق درقد و خواجه غار انتقال دادند.

در این زمینه گروه طالبان از کشته شدن ۲ نفر از اعضای این گروه خبر داده و اعلام کرد که شبه نظامیان این گروه اداره‌های دولتی و پلیس منطقه درقد را تصرف کردند.

مقامات افغانستان در این زمینه اظهار داشتند: در درگیری‌ها در مناطق شمال افغانستان با طالبان افرادی از گروه‌های حرکت اسلامی ازبکستان که قصد گسترش نفوذ خود به کشورهای آسیای مرکزی دارند، نیز همراه بودند.

سخنگوی والی تخار با تصدیق این سخنان افزود: بیشترین تحرکات در این درگیری‌ها را اتباع تاجیک و ازبک به نمایش گذاشتند و ۲ تن از شبه نظامیان کشته شده نیز جنگجویان خارجی بودند.

تصرف منطقه درقد در مرز افغانستان با تاجیکستان در حالی است که در پایان ماه سپتامبر سال جاری طالبان برای چند روز شهر قندوز مرکز ولایت قندوز را تصرف کردند.

تاجیکستان با افغانستان ۱۳۷۰ کیلومتر مرز مشترک دارد.